Mill-2008 lil hawn, il-programm Ħabbejtek fuq l-istazzjon nazzjonali Smash TV kien u għadu għajn ta’ dawl, tama u kuraġġ għal bosta nies madwar Malta u Għawdex. Ibbażat fuq intervisti ma’ nies minn kull qasam tal-ħajja, il-programm iwassal testimonjanzi b’saħħithom u reali ta’ persuni li esperjenzaw il-qawwa trasformattiva t’Alla f’ħajjithom.

Permezz ta’ dawn l-esperjenzi, Ħabbejtek juri kif Ġesù Kristu jintervjeni fl-aktar mumenti mudlama. Nies li darba kienu bla tama, maqbuda fil-morsa tal-vizzji tad-droga, sabu l-libertà u l-paċi vera fil-Mulej u bih inħallu minn kull rabta. Matul is-snin, il-programm xhed mirakli kbar, b’persuni li rċevew fejqan fiżiku u emozzjonali sħiħ filwaqt li Alla wettaq għeġubijiet kbar f’ħajjithom.

Ħabbejtek mhuwiex biss programm televiżiv, iżda huwa ministeru li jixhed li dak li huwa impossibbli għall-bniedem, huwa possibbli għal Alla!

Irċievi l-Ktieb "Il-Wegħda ta' Ġesù Kristu" b’Xejn

Jekk tixtieq tirċievi l-ktieb "Il-Wegħda ta' Ġesù Kristu", ibgħatilna messaġġ (SMS) bl-Isem, il-Kunjom u l-Indirizz tiegħek fuq +356 9923 9132, u nibagħtuhulek b'xejn id-dar.

Modi Kif Tista’ Tgħin u Tappoġġja l-Ministeru ta’ Ħabbējtek

L-appoġġ tiegħek huwa essenzjali biex inkomplu nwasslu l-Evanġelju u l-messaġġ tal-libertà f’Ġesù lil eluf ta’ djar. Jekk tixtieq tappoġġja l-programm Ħabbejtek, tista’ tagħmel dan b’dawn il-modi:

• Talb: Żomm il-programm, l-intervistati, u in-nies kollha fit-talb tiegħek sabiex il-qawwa ta’ Alla tkompli tmiss u tbiddel il-qlub ta’ dawk li qed issegwuna.
• Donazzjonijiet Finanzjarji: Kull għotja tgħin biex ikopru l-ispejjeż tal-produzzjoni u x-xandir fuq it-televiżjoni nazzjonali.
• Kondiviżjoni: Aqsam il-programmi u t-testimonjanzi mal-familja u l-ħbieb tiegħek biex il-messaġġ ta’ tama jasal għand kull min għandu bżonnu.